GipuzkoaAPPs Lehiaketa 2016

GipuzkoAPPs 2016 lehiaketa

Gipuzkoan garatu diren gailu mugikorretarako aplikaziorik onenak saritzen ditugu
Hiru sari eta bi accesit, 25.000 euro guztira, Gipuzkoako APP onenentzat
Informazioaren Gizartearen Zuzendaritzak Gipuzkoako IKTen esparruko enpresak eta ekintzaileak gailu mugikorretarako aplikazioen merkatuan sartzera gonbidatu nahi ditugu; horretarako, lehiaketa bat sustatu dugu, helburu hauek dituena:
 Gipuzkoako informatikako teknologien sektorearen berrikuntzan laguntzea, mugikorrentzako APP aplikazioen merkatuan sar daitezen sustatuz.
 Gipuzkoan garatutako mugikorrentzako aplikazioak ezagutzera ematea.
 Gipuzkoako informazioaren eta komunikazioaren teknologien (IKT) sektorean talentu berria sartzea bultzatzea: gailu mugikorrentzako teknologietan adituak diren profesionalak 

Aurkezteko epea: 2016eko uztailarenaren 2tik irailaren 18ra arte (biak barne)

Nork har dezake parte?

Lehiaketak Gipuzkoako pertsona fisiko zein juridikoek egindako aplikazio hoberenak sarituko ditu.

Parte hartuko duten pertsona fisiko edo juridikoek egiaztatu beharko dute gipuzkoarrak direla eta adinez nagusiak direla. Taldeen kasuan, kide guztiek egiaztatu beharko dituzte lehiaketan parte hartzeko baldintzak.

Ezingo dute parte hartu administrazio eta entitate publikoek (unibertsitatea salbuetsita), ezta horiek partaidetzaren gehiengoa duten enpresek ere.

Zer produktu aurkez daitezke?

Aplikazioak amaituta egon behar dute, eta ezin dute urtebete baino gehiago eraman merkatuan oinarriak argitaratzen direnetik. Lehiaketara aurkezteko unean, euskaraz gutxienez erabiltzeko moduan egongo dira. Ezin izango dira aurkeztu edizio honetara aurreko edizioetan parte hartu duten aplikazioak.
Parte hartzen duten pertsona eta entitateek bermatuko dute lehiaketan aurkeztutako aplikazioen garatzaileak direla.

Sariak

Lehiaketak hiru sari ezartzen ditu:
     Lehenengo saria 10.000 €
     Bigarrengo saria 6.000 €
     Hirugarengo saria 4.000  €

eta 2.500 euroko bi accesit

Pertsona edo entitate berak ezin izango du sari bat baino gehiago jaso deialdi honetan.

Epaimahaiak proposa dezake sari horietakoren bat eman gabe uztea.

Sarien gaineko zergak
Sarien zenbatekoari dagokion zerga atxikipena ezarriko zaio aplikagarri den zerga araudiaren arabera.

Hautagaien aurkezpena

Pertsona edo entitate bakoitzak aplikazio bat baino gehiago aurkez dezake baina banakako hautagai gisa.

Aurkeztu behar den dokumentazioa.

1. Proiektua aurkezten duten enpresa edo pertsonen identifikazio datu osoak, baita gipuzkoarrak izatea eta, hala balegokio, adinez nagusiak izatea egiaztatzen duten agiriak ere. Taldeen kasuan, kide guztiek egiaztatu beharko dituzte lehiaketan parte hartzeko baldintzak.

Aurreko baldintzak ziurtatuko dira Identifikazio Fiskaleko Txartelaren bidez pertsona juridikoen kasuan; persona fisikoen kasuan berriz NAren kopiaren bitartez edo urte bete baino gehiagoko antzinatasuna egiaztatzen duen errolda ziurtagiriaren bitartez

2.  Parte hartzeko formularioa, hemen eskuragarri dagoena, ondoko informazioarekin:
   A)  Proiektuaren izena (aplikazioaren izena)

   B)  Aplikazioaren deskribapen laburra.
   C) Irtenbide informatikoa inplementatzeko behar den informazioa.
        Aplikazioaren funtzionamendua.
        Epaimahaiak aplikazioa probatzeko behar dituen jarraibideak

        Aplikazioak jarraibide konplexuak instalatzea, osagarri gehigarriak edo antzerakoak deskargatzea edo ordainpeko instalakuntza behar izanez gero, Berrikuntzako, Landa Garapeneko eta Turismoko Departamentuko langileekin adostuta, lehiakideden enpresak edo pertsonak erraztuko du aplikazioen instalazioa, Epaimahaiak erabil dezan.

3.    Proiektuaren memoria. Ez du 5 orri baino gehiago izango, eta bertan deskribatuko da aplikazioaren negozio eredua, izan dezakeen eragin soziala, baliagarritasuna eta dakarren berrikuntza.

4.    Eskaeran beharrezkoa da bideo bat sartzea «demo» gisa, aplikazioaren funtzionaltasuna ikusteko. Bideoa ez da 2 minutu baino luzeagoa izango. Eskaera orrian bideoaren URL helbidea adieraziko da.

Dokumentu edo ereduetara sarbidea

Aurkezteko epea

2016eko uztailaren 2tik irailaren 18ra arte (biak barne)

Balorazio irizpideak

Epaimahaiko kideek proiektuak baloratuko dituzte ondorengo irizpideei jarraituz:
 Baliagarritasuna (benetako behar bati erantzutea), erabiltzailearen esperientzia, funtzionalitate maila eta diseinua

 Dakarren berrikuntza

 Negozio eredua

 Izan dezakeen eragin soziala

 "Smart Cities" eta "Industria 4.0" proiektutan aplikagarri izatea

 Jokoak

Epaimahaia

Epaimahaiaren osaketa jakinaraziko da eta Gipuzkoako Aldizkari Ofizialean argitaratuko da.

Proiektuen analisia eta epaimahaiaren emaitza

Sariak emateko ekitaldi publiko bat antolatuko da.

Epaimahaiko kideek proiektuak aztertu eta sarituak proposatuko dituzte.

Egokitzat ematen badu, epaimahaiak finalistatzat eman dituen pertsonei edo entitateei proiektuak aurkezteko eta epaimahaiaren galderak erantzuteko aukera emango die, epaimahaiak lanen azkeneko azterketa egin ahal izan dezan.

Epaimahaiak kideen gehiengo soilaz hartuko ditu erabakiak; berdinketa gertatuz gero, epaimahaiko lehendakaritzak erabakiko du.

Epaimahaiaren emaitza loteslea da.

Oinarriak eta deialdia

Oinarri arautzaileak: 2016eko uztailaren 1eko Gipuzkoako Aldizkari Ofiziala 125 zbk

Beste araudi aplikagarria

• Norma Foral 3/2007, de 27 de marzo, de subvenciones del Territorio Histórico de Gipuzkoa