Lurralde garapenerako programa, 4.0. Industria eredutik abiatuta

Finantzaketa

Aurrekontua: 200.000 €

Diru-laguntzaren hartzaileak

Gipuzkoako Foru Aldundiaren eta garapen agentzien arteko hitzarmena, sustapen ekonomikorako gobernantza eredu berria garatzeko oinarriak ezartzen dituena, 2017ko ekainaren 2koa, sinatu duten entitateak.

Proiektuen baldintzak

Proiektuetan aholkularitza pertsonalizatua jasoko duten enpresa kopurua adierazi beharko da. Aholkularitza  honela gauzatuko da.
• Enpresaren lurralde esparruaren lehiakortasunaren karakterizazioa egingo da, 4.0 Industria ereduan oinarrituta; horretarako, enpresei bisitak egingo zaizkie beren egoera bertatik bertara ezagutzeko alderdi hauei dagokienez: lehiakortasuna, lan egiten duen sektorea edo enpresa horrekin lan egiten duten enpresak, produktu propioa duen ala ez, eskura dituen teknologiak, giza baliabideak, eta abar.
• Enpresak 4.0 Industria ereduari heltzeko dituen behar nagusien diagnostikoa, bereziki, pertsonen, teknologiaren, aliantzen eta profil berritzailearen esparruan.
• Enpresak hobetzeko baliabideei buruzko orientazioa, lehiakortasuna hobetzeko aukerei buruzko informazioa emanda (lanbide prestakuntzako zentroak, unibertsitatea, eta Zientzia, Teknologia eta Berrikuntzaren Euskal Sareko eragileak), eta eskura dauden programa eta tresna publikoak, bereziki, Gipuzkoako Foru Aldundiak berak eskainitakoak.
• Beste jarduera batzuk, enpresa txiki eta ertainak 4.0 Industriara hurbiltze aldera Gipuzkoa Sarean proiektuaren lan esparruan adostu daitezkeenak

Laguntza jaso dezaketen kontzeptuak

Diruz lagundu daitezkeen gastuak izango dira jardueran zuzenean parte hartzen duten langileen gastuak eta gastu orokorrak.
Proiektuari egotz dakizkiokeen zeharkako gastuak, langileen zuzeneko gastuen % 15 osagarri gisa kalkulatuko dira, eta ez dira justifikatu beharko.
Ez dira onartuko inbertsioak eta joan-etorrietako gastuak, dietak eta abar.

Laguntzen zenbatekoa

Gipuzkoako Foru Aldundiak eta eskualdeetako garapen agentziek ekonomia sustatzeko gobernantza eredu berria garatzeko sinatutako hitzarmeneko oinarrien seigarren klausulan ezarritakoari jarraituz, orduko 35 euroko modulua ezarri da, proiektuan zuzenean parte hartzen duten pertsonentzat.
Diru laguntzak likidatzeko, kontuan hartuko da artatutako enpresa kopurua eta bakoitzari eskainitako zerbitzu mota. Alderdi horiek baloratzeko, honako dedikazio modulu hauek hartuko dira kontuan:
• Harremanetan jartzea eta enpresa bakoitzaren lan programa finkatzea: 0,5 ordu.
• Enpresa ikustera joan, lehiakortasunaren ikuspegitik enpresaren egoera aztertu, eta egoerari buruzko txostena egitea: 8 ordu.
• Enpresari aholkularitza pertsonalizatua eskaini eta izan ditzakeen laguntzetara bideratzea: 8 ordu.

Laguntzak emateko prozedura

Diru laguntza hauen ezaugarri bereziak direla eta, lehia gabeko konkurrentzia-erregimenean emango dira, entitate interesatuak eskaera egin ondoren, entitate horren egoera kontuan izanda, eta ez da eskaeren arteko alderaketarik egin beharko ez eta lehentasun hurrenkerarik ezarri ere.

Diru laguntzak proportzionalki banatuko dira, entitate onuradunek enpresei laguntzeko hartutako konpromisoen arabera.

Aurkeztu behar diren agiriak

"Diru laguntzen ataritik” sartuko da eskatzailea eskaerara. Eskaerarekin batera, eranskinean dagoen ereduari jarraituz, agiri hauek aurkeztuko dira:

a) Zerbitzuak emango zaizkien enpresa kopurua eta zerrenda

b) Diru laguntzaren xede den proiektuko jardueren kronograma.

c) Toki garapeneko eskualdeko agentzien izenean jardungo duten pertsonen curriculuma.

a) Ogasunarekiko eta Gizarte Segurantzarekiko betebeharretan egunean dagoela erakusten duten ziurtagiriak. Ez da horiek aurkeztu beharrik izango baldin eta eskaeran baimena eman bazaio laguntzak kudeatzen dituen Departamentuari aipatu datuak zuzenean eskuratzeko organo eskudunetatik.

Dokumentu edo ereduetara sarbidea

Eskaerak aurkezteko epea

2017ko abenduaren 5etik 18ra arte (12:00ra arte)

Zuriketa eta ordainketa

Onartutako diru laguntza bi zatitan ordainduko da:
1)  Entitate onuradunek onarpenaren unean eskatu ahal izango dute laguntzaren lehengo zatiaren ordainketa, diru laguntzari dagozkion jarduketak egiteko beharrezkoa den finantzazio gisa.
2) Bigarren zatia ordaintzea eskatzeko, proiektua erabat burutu dutela zurituko dute 2018ko urriakk 31 baino lehen. Ordaintzeko eskaerarekin batera dokumentu zurigarriak aurkeztuko dira.
Hala ere, proiektua amaitu aurretik, entitate onuradunek laguntzaren bigarren zatiaren ordainketa aurreratua eska dezakete.

Zuriketa: diruz lagundutako proiektua edo jarduera amaitutakoan, enpresa onuradunak zuriketa kontu sinplifikatu bat aurkeztu beharko du, ondorengo agiriak erantsiz:
- Memoria tekniko bat, honakoak jasoko dituena: benetan garatu diren lanak, planteatutako helburu teknikoen lorpena eta planteatutako helburuekiko desbideratzeak.
- Bisitei buruzko informazioa eta emandako ahokularitza.
- Proiektu berarako eskatu eta eskuratutako diru laguntzen aitorpena. Zenbatekoa eta jatorria zehaztu behar dira.

Araudi aplikagarria

Programaren oinarri arautzailea (GAO 2017/12/04  231 zbk)

Martxoaren 27ko 3/2007 Foru Arauan, Gipuzkoako Lurralde Historikoko diru laguntzei buruzkoan, apirilaren 29ko 24/2008 Foru Dekretuak onartutako araudian, eta diru laguntzen alorreko gainerako araudi aplikagarrietan ezarritakoa.

 

Kontsultak egin behar badituzu

- Jesus Mª Eizagirre jeizagirre@gipuzkoa.eus   943 113 989
- Izaskun Nosellas   inosellas@gipuzkoa.eus   943 113 190