B.2 eranskina - Gazteen artean kirola sustatzeko plana (GKP) ezarri eta garatzea.
Eskaera epea:
Epez kanpo
. Urtea
:2017 |
Kirolak
Xedea
Gazteen artean kirola sustatzeko plana (GKP) ezartzea eta garatzea.
Laguntzen zenbatekoa
226.000,00 €
Hartzaileak
Gipuzkoako kirol klubak, kirol elkarteak eta ikastetxeak.
Betebeharrak
• Diru laguntza hauek emateko baldintza izango da GKP akordio bat egotea egokia den modalitatearekin.
• Laguntzen eskatzaileek dagokion modalitatearekiko akordioan GKP jarduera gisa izendatutako infantil, kadete eta jubenilen kategorietako lehiaketa ofizialetan parte hartu behar dute.
• Eskainitako zerbitzuengatik erakunde eskatzaileek urteko kuota ezarri behar dute bertako infantil, kadete eta jubenil kategorietako kirolarientzat. Kuotaren zenbatekoa, Gipuzkoako Foru Aldundiaren eta kirol modalitateko ordezkarien artean erabakiko da GKP akordioetan.
• Profesionalizatzeko laguntzen kasuan, haurrekoez gainera baldintza hauek ere bete behar dira:
- Taldekako kirol modalitateen kasuan, gutxienez 8 ekipo edukitzea, edo, gutxienez 80 lizentzia edukitzea banakako modalitateetan, infantil, kadete eta jubenil kategorien artean, modalitate batean edo gehiagotan, edo hainbat egituratan ere.
- Langile bat edukitzea, lan egoera arautua eta gutxienez lanegun erdiko kontratua duela.
• Gipuzkoako Foru Aldundiaren eta kirol modalitateetako ordezkarien arteko akordioetan erabakitzen diren gainerako baldintza bereziak.
Eskaerak aurkezteko epea
2017ko otsailaren 28a
Aurkeztu beharreko dokumentazioa
1 inprimakia, GKPko taldeei eta, hala badagokio, kirolariei dagokiena.
2 inprimakia, GKPko arbitroei dagokiena.
3 inprimakia, egiturak profesionalizatzeari dagokiona.
Elkarlanean aritzen diren entitateek batera aurkez dezakete eskaera hau (halakoetan, parte hartzen duten entitate guztien baimena ere aurkeztu beharko da).
Egiturak profesionalizatzeko diru laguntzen kasuan, profesionalaren lan egoera normalizatua egiaztatzen duen agiria aurkeztu beharko da (4 inprimakia). Dokumentazio bera aurkeztu beharko da entitateek lan egoera normalizatuan dauden teknikariak badituzte.
Dokumentu edo ereduetara sarbidea
Ebazpen epea
Sei hilabete, urteko deialdia argitaratzen denetik aurrera kontatuta
Jakinarazpenak
Deialdiaren ebazpena Gipuzkoako Aldizkari Ofizialean argitaratuko da. Argitalpen horrek banakako jakinarazpena ordezkatuko du eta jakinarazpena egintzat joko da eta lege ondorioak izango ditu ebazpena argitaratu eta biharamunetik.
Isiltasun administratiboaren ondorioak
Eskaera ezetsitzat joko da.
Araudi aplikagarria
Diputatuen Kontseiluaren 2017ko urtarrilaren 17ko Erabakia, kirol gaietako diru laguntzak emateko oinarri arautzaileak onartzen dituena. GAOn, 2017ko urtarrilaren 31ko 20. alean argitaratua.
Gazteen artean kirola sustatzeko plana (GKP) ezartzeko eta garatzeko diru laguntzen 2017ko deialdia. (Gipuzkoako kirol klub eta elkarteei zuzendutako diru laguntzen oinarri arautzaileen B.2. eranskina). GAOn 2017ko otsailaren 10eko 29. alean argitaratua.
Informazio osagarria
Kirol Zerbitzua. Gipuzkoa plaza z.g. 20004 Donostia
Harremanetarako telefonoak:
Margari Arrieta Insausti 943-112493 / e-maila: marrieta@gipuzkoa.eus
Lourdes Iruretagoyena Laso 943 112497/ e-maila: kirolak@gipuzkoa.eus