Laguntza
Jarduera ekonomikoen bilatzailearen helburua ondorengoa da: pertsona batek garatuko duen jarduerari zein epigrafe dagokion proposatzea, Jarduera Ekonomikoen gaineko Zergaren (JEZ) tarifen artean.
Horretarako, zergadunak tarifetako sekzioen artean aukeratu beharko du, hau da, enpresa – jarduera, jarduera profesionala edo jarduera artistikoen artean. Nahi izanez gero sekzio guztiak ere aukeratu daitezke.
Sekzioen arteko ezberdintasunak ondorengoak dira:
Zer da enpresa jarduera bat?
Tarifetako 1. sekzioan sailkatutako jarduerak hartuko dira halakotzat, baldin eta antolaketa baten baitan egiten bada jarduera (akademia, klinika, etab.).
Pertsona fisiko bat enpresaritzat hartuko da jarduera gauzatzeko enpresa-antolaketa bat martxan jartzen duenean, bere nortasun profesionalarekin formalki lotuta egon gabe eta, beti ere, ez badu jarduera gauzatzen bere gaitasun pertsonalaren adierazpen gisa.
Zer da jardura profesional bat?
Tarifetako 2. sekzioan sailkatutakoak hartuko dira halakotzat, pertsona fisikoek zuzenean eta pertsonalki egiten dituztenean.
Profesionaltzat joko da dena delako jarduera bere kontura garatzen duena.
Zer da jarduera artistiko bat?
Horrelakotzat hartzen dira tarifen 3. atalean sailkatutakoak, eta artea eta kirolarekin zerikusia duten jarduerak sailkatzen dira bertan.
Nola erabaki epigrafe bat baino gehiagoren artean?
Gauzatuko den jarduera deskribatu eta gero, bilatzaileak epigrafe bat baino gehiago proposatu dezake. Kasu horietan, proposatutako epigrafeetan
sakatu beharko duzu egokiena zein den erabakitzeko.
Bistaratzen den informazioa
- Jardueraren atala eta epigrafea
- Jardueraren deskribapena: Epigrafearen izena da eta beronek baimentzen dituen jarduera nagusiak aipatzen ditu
- Ahalbideratzen du baita: Epigrafeak baimentzen dituen beste jarduerak aipatzen ditu
Oharrak
- B.L.S.G akronimoak “Beste lekuetan sailkatu gabekoak” esan nahi du. Epigrafe hauetan tarifetan zehaztu gabeko enpresa jarduera, profesional eta artistikoak sailkatzen dira.
- Kontuan izan handizkako salmentak, produktu berdinen txikizkako salmenta lokal beretik egitea ahalbidetzen duela.
- Fabrikazio epigrafeek (orohar lehenengo sekzioko 3. eta 4. dibisioan sailkatutakoak) ekoiztutako produktuak txikizka zein handizka saltzea ahalbidetzen dute, beti ere, lokal beretik egiten bada.