Frogagiri horiek ez dira aurkeztu behar ondoko bi baldintza hauek betetzen badira:

• Lehendik ere aurkeztuta egotea errenta aitorpenak Gipuzkoan egin direnean, eta
• Horietan aldaketarik ez izatea.

• Gipuzkoan lehen aldiz aitortzen bada modalitate mekanizatua aukeratuta, azken 4 ekitaldietan beste zerga administrazioetan aurkeztu diren aitorpenen kopiak aurkeztu behar dira.
• Atxikitzaileen ziurtagiria (10-T eredua), lan pertsonalaren etekinengatik izandako etekinak, gastuak, atxikitako zenbatekoak edo konturako sarrerak adieraziko dituena. Horren ezean, soldaten ordainagiriak edo aski diren bestelako frogagiriak aurkeztuko dira.
• Hauteskundeetan hautaturiko kargu politikoek nahiz izendapen librekoek euren erakunde politikoari nahitaez egindako ekarpenen ziurtagiria, erakundearen organo eskudunak luzatua.
• Langile aktibo ezgaituen kasuan lan etekinen hobaria kontuan har dadin, minusbaliotasun maila eta, hala balitz, mugikortasun murriztua frogatzen dituen ziurtagiria aurkeztu behar da, betiere, Gipuzkoako Foru Aldundiko Gizarte Politikako Departamentuak, Autonomia Erkidegoko organo eskudunak edo Migrazio eta Gizarte Zerbitzuetako Institutuak emana. Era berean, %65eko edo hortik gorako minusbaliotasun maila frogatu daiteke, ezintasuna aitortzen duen erabaki judiziala aurkeztuta.
• Ondasun higiezinak errentan emateagatik izandako etekinen eta gastu kengarrien frogagiriak eta, hala badagokio, haiei dagozkien atxikipenen eta konturako sarreren ziurtagiria (10-I eredua)
• Atxikipenari edo konturako sarrerari lotutako jarduera ekonomikoetan aritzen diren zergadunek izandako atxikipenen frogagiriak
• Errentak esleitzeko erregimenean dauden entitateek esleitutako errenten frogagiriak eta oinordeko, komunero edo partaidearen zerga pertsonalean kendu beharreko konturako sarrerei dagozkienak.
• Ezkontideari edo maiatzaren 7ko 2/2003 Legearen arabera eratutako izatezko bikote-lagunari pentsio konpentsagarriak eta urteko mantenurako kopuruak ordaintzera behartzen duen erabaki judizialaren fotokopia, eta ordainketak benetan egin izanaren frogagiriak.
• Pentsio planen entitate kudeatzaileak, borondatezko gizarte aurreikuspeneko entitateak, gizarte aurreikuspeneko mutualitateak edo enpresen gizarte aurreikuspeneko planek luzaturiko ziurtagiria, partaide, bazkide edo mutualista bakoitzak egindako ekarpenak eta sustatzaileek edo bazkide babesleek egotzitakoak adieraziko dituena, eta orobat, aurreikuspen plan aseguratuen edo mendekotasun aseguru pribatuen entitate kudeatzaileak emandako ziurtagiria, ordaindutako primak jasoko dituena. Ekarpenak pertsona minusbaliatuen alde egin badira, ahaidetasun harremana eta minusbaliotasun maila frogatu beharko dira.
• Ondare irabazi eta galeren frogagiriak, besteak beste, honako datuok adierazita: eskuratze eta eskualdatze balioak, eskuratze eta eskualdatze datak eta, hala bada, jasandako atxikipenak.
• Zergadunaren tutoretzapean dauden pertsonak direnean, tutoretza eratu duen ebazpen judiziala aurkeztuko da, eta zergadunak etxean hartuta dauzkan adingabeak direnean, etxean hartu izanaren ziurtagiria aurkeztuko da, Gipuzkoako Foru Aldundiko Gizarte Politikarako Departamentuak emana.
• Kuotan kenkarirako eskubidea duten aurreko ahaideen erroldaketaren eta sarreren ziurtagiria. Pentsiorik jasotzen ez badute, pentsioduna ez dela frogatzen duen ziurtagiria, INSSak luzatua. Aurreko ahaidea egoitza batean bizi bada urte osoan, etengabe eta modu jarraituan, egoitzako egonaldiaren gastuei aurre egiteko zergadunak ordaindu dituen kopuruen frogagiria (faktura) aurkeztuko da.
• Ezgaitasunaren eta mendekotasunaren kenkariak kontuan har daitezen, minusbaliotasun edo mendekotasun maila frogatu beharko da Gipuzkoako Foru Aldundiko Gizarte Politikako Departamentuak, Autonomia Erkidegoko organo eskudunak edo Migrazio eta Gizarte Zerbitzuetako Institutuak luzatutako ziurtagiria aurkeztuz. Zergadunarekin 65 urteko edo hortik gorako pertsona ezgaituak edo mendekoak bizi badira, bizikidetzako agiria eta sarreren frogagiria ere aurkeztuko dira. 65 urtetik gorako pertsona horiek ez badute pentsiorik jasotzen, pentsiodunak ez direla frogatu beharko da Gizarte Zerbitzuetako Institutu Nazionalak luzatutako ziurtagiria aurkeztuta. Era berean, %65eko edo hortik gorako minusbaliotasun maila frogatu daiteke, ezintasuna aitortzen duen erabaki judiziala aurkeztuta.
• Pertsona ezgaituaren ondare babestuari egindako ekarpenen frogagiriak.
• Etxebizitzaren errentamendu edo azpierrentamendu kontratuaren kopia, eta alokairu gisa egin diren ordainketen frogagiriak. Familia ugarien kasuan, familia ugaria izatearen frogagiria aurkeztuko da.
• Ohiko etxebizitza erosteagatik egin daitekeen kenkariaren ziurtagiriak:
  • Etxebizitza berriak: kontratu pribatua, ordaindutako faktura guztiak eta salerosketa eskrituraren kopia eskrituratua badago.
  • Bigarren eskuko etxebizitzak: salerosketa eskrituraren kopia.
  • Etxebizitzen sustatzailea zergaduna denean: udalaren baimena, proiektuaren eta ordaindutako faktura guztien kopia eta obra berriaren eskrituraren kopia, jada eskrituratuta badago.
  • Birgaiketa: birgaikuntza babestuei buruzko ebazpenaren kopia eta obra amaitu izanaren ziurtagiriaren kopia edo, ekitaldi bat baino gehiago irauten duten birgaikuntza obren kasuan, urteko ziurtagiriaren kopia.
  • Etxebizitza-kontua: etxebizitza-kontuaren ziurtagiria. Honako hau adierazi behar du: entitatearen gakoa, kontu zenbakia (10 digitu), irekiera data, eta irekiera datatik aurrera egindako mugimenduak.
  • Mailegua eskatu bada, behar diren frogagiriak aurkeztuko dira.
  • Familia ugarien kasuan, familia ugaria izatearen frogagiria aurkeztuko da.
• Ohiko etxebizitzan eguzki energia elektrikoa hornitzeko inbertsioen kenkariaren kasuan:
  • Ekipoak erosiz gero, egindako inbertsioa edo gastua justifikatzen duten fakturak, inbertsioa deskribatzen duen memoria laburra eta udalaren obra lizentziaren kopia.
  • Entitateen parte hatzeko partizipio tresnak eskuratu badira, entitateak emandako ziurtagiria, datu hauek bildu behar dituena: entitatearen identifikazioa eta zergaren foru arauaren 87 bis artikuluak entitateari exjitzen dizkion baldintzak betetzeari buruz aitorpena, entitatearen eraketa data (eta kapital zabalkuntzarena, halakorik izan bada), eskuratzailearen identifikazioa, energia horniketaren xede den etxebizitzaren identifikazioa, eskuratutako partaidetza kopurua eta adierazten duen partaidetza portzentajea, eskurapen data eta eskurapen prezioa.
• Jarduera ekonomikoak sustatzeko kenkariak:
  • Langileek enpresan parte hartzeagatik zergaren foru arauko 89. artikuluan arautzen den kenkaria aplikatzeko:
    • Zergadunak zer kantitate ordaindu dituen berak lan egiten duen entitateko edo taldeko beste edozein enpresako akzio edo partaidetzak eskuratu edo harpidetzeko, edo, hala badagokio, entitate horietako langileek bakarrik partaidetutako entitateen akzio edo partaidetzak eskuratu edo harpidetzeko, azken kasu horretan baldin eta entitate partaidetuaren aktiboaren gutxienez 100eko 90 enpresa enplegatzailearen edo taldeko entitatearen akzio edo partaidetzek eratzen badute.
    • Entitate enplegatzailean edo taldeko entitateetan emandako antzinatasuna 89. artikuluaren 1. apartatuan aurreikusitakoa dela.
    • Akzioen eta aktiboaren osaketari dagozkion beharkizunak betetzen direla, baldin eta inbertsioa 89.1 artikuluko c) letran aipatutako langileek bakarrik partaidetutako entitateetan egin bada.
    • Akzioak edo partaidetzak ez direla negoziatzen merkatu arautuetan, eta entitatea ez dela hartzen ondare sozietatetzat, 89. artikuluaren 4. apartatuko a) eta b) letretan ezartzen den moduan.
    • Langilearen partaidetza, 89. artikuluaren 4. apartatuko e) letran jasotako beharkizuna betetzearen ondorioetarako.
  • Enpresa berrietan inbertitzeagatik kenkaria: eskuratutako akzio edo partaidetzen entitateak eginiko egiaztagiria, adierazten 89 bis artikuluko 2. apartatuan ezarritako baldintzak betetzen direla.
  • Langileek entitateak eratzeagatik aplikatzen den kenkarirako: entitatea eratzeko asmoz harpidetutako akzio edo partaidetzetan egin den inbertsioaren frogagiria.
  • Sistema informatiko baten ezarpena sustatzeko kenkariaren kasuan (3/2020 FA): inbertsioaren memoria laburra eta inbertsio eta gastuen frogagiriak.
• Erakunde sindikalari ordaindutako kuoten ziurtagiria, sindikatuko organo eskudunak luzatua.
• Alderdi politikoei ordaindutako kuoten eta egindako ekarpenen ziurtagiria, erakunde politikoaren organo eskudunak luzatua.
• Pertsona Fisikoen Errenta Zergaren Foru Arauak 93. artikuluan jasotako dohaintzengatik kenkaridunak diren ekarpenen frogagiriak.
• Bestelako frogagiriak.