Ezagutu Batzar Nagusiak

ORRIAREN EDUKI NAGUSIA

Batzar Nagusien gaur egungo egoitza

Gaur egungo egoitzaren kanpoaldea

Batzar Nagusien egoitza Donostiako Teknologi Elkartegian dago; eraikina (hiru solairuko kubo bat, guztira 3.600 m2 dituena gune eraiki batean dago kokatuta, Foru Aldundiaren beste organismo batzuekin batera. Gune horrek 16.000 m2-ko hiruki-formako multzoa osatzen du.

Beheko solairuan osoko bilkuren aretoa dago; horixe da gune nagusia, eta lorategira irekita dago. Hemizikloaren bi aldeetan, batzordeen bileretarako gela bana dago. Lehenengo solairuan, publikoarentzako eta prentsarentzako palkoak daude; beren ibilbidea daukate sarreratik bertatik, eta osoko bilkuren aretoa ikus daiteke palkoetatik. Osoko bilkuren aretoak garaiera bikoitza dauka. Administrazio-lanetarako alorra ere palkoen solairu berean dago. Bigarren solairuan Lehendakaritzaren eta taldeen guneak daude, eta sotoko solairuan aparkalekuak.

Eraikinak kanpoko azal jarraitu bat dauka, altzairuzko pieza itsuak eta pieza beiraztatuak konbinatzen dituena (gardenak edo zeharrargiak, tokiaren arabera). Pieza horiek eraikin osoa biltzen dute, batasuna ematen dion estaldura osatzen dute nolabait. Estaldura hori, barnealdeko plazaren erdigunean, harri zeharrargizko (alabastroa) paramentuez egindako beste bi fatxada-itxierekin konbinatzen da, Batzar Nagusien eraikinaren itxiera nagusietan eta altxaera frontaletan, osoko bilkuren aretoaren gunearen hondo-oihal gisara. Halaber, guztiz beiraztatuta dauden itxierekin ere bateratzen da; itxierak barnealdeko patio-lorategietara irekitzen dira, bai eta erdiguneko plaza publikora ere, horrela, laneko gune guztiak plaza horri begira daude, beirazko eta metalezko ehunezko fatxada bikoitzek babesten dituztela. Horrek guztiak izaera irekia eta "demokratikoa" ematen dio barneko espazio horri.

 

Irekiera
 

Gipuzkoako Batzar Nagusien egoitza berria 2007ko martxoaren 21ean ireki zen.

• Informazio gehiago

 

 

Obra
urratsez urrats

Sartu Gipuzkoako Batzar Nagusien egoitza berriaren proiektuari buruzko atal historikora.

• Informazio gehiago

 

 

Bisita birtuala
 

Egin bisita birtuala Gipuzkoako Batzar Nagusien egoitza berrira.

• Informazio gehiago